KLAK Icelandic Startups og Viðskiptafræðideild Háskóla Íslands bjóða nemendum tækifæri til að kynnast starfsemi félagsins gegnum starfsþjálfun. Nemendur vinna undir leiðsögn verkefnastjóra.
KLAK – Icelandic Startups er óhagnaðardrifið félag sem styður við samfélag frumkvöðla á Íslandi og eru skrifstofur fyrirtækisins í Grósku. KLAK keyrir árlega 3-4 viðskiptahraðla með mismunandi áherslum ásamt því að halda Gulleggið, stærstu frumkvöðlakeppni landsins.
KLAK hjálpar sprotafyrirtækjum að vaxa innanlands og út fyrir landsteinana með því að hraða þróun þeirra og tengja þau við sérfræðinga, fjárfesta og aðra lykilaðila.