Íslandsbanki býður metnaðarfullum háskólanema í hagfræði, viðskiptafræði eða fjármálaverkfræði upp á spennandi starfsnám í greiningar-og fræðsludeild bankans. Greining og fræðsla er eining innan Markaðs-og samskiptasviðs Íslandsbanka sem vinnur greiningar, áætlanir og efni um efnahagsmál og fjármál.
Starfsnemi mun vinna að greiningum, gagnasöfnun, líkanagerð og efnissköpun auk annarra tilfallandi verkefna með sérfræðingum úr Greiningu og fræðslu.
Í starfsnámi hjá Íslandsbanka öðlast þú dýrmæta þjálfun og reynslu í að beita fræðilegri þekkingu á raunveruleg viðfangsefni í atvinnulífinu undir leiðsögn reyndra sérfræðinga sem og innsýn í rekstur og starfsemi bankans. Íslandsbanki leggur áherslu á traustan rekstur og hlutverk bankans er að vera hreyfifafl til góðra verka í íslensku samfélagi og skapa virði til framtíðar á sjálfbæran hátt.