Starfsþjálfun hjá Parkinsonsamtökunum
Parkinsonsamtökin óska eftir áhugasömum nema til að taka þátt í spennandi verkefni. Starfsþjálfunin er kjörið tækifæri til að öðlast hagnýta reynslu hjá félagasamtökum sem eru í mikilli þróun og uppbyggingu – og hafa jákvæð áhrif á líf fjölda einstaklinga.
Um Parkinsonsamtökin
Parkinsonsamtökin voru stofnuð árið 1983. Hlutverk samtakanna er að stuðla að auknum lífsgæðum fyrir fólk með Parkinson og skylda sjúkdóma og fjölskyldur þeirra. Samtökin reka Takt endurhæfingu þar sem boðið er upp á fjölbreytta þjálfun, fræðslu, ráðgjöf og stuðning í Lífsgæðasetri St. Jó í Hafnarfirði.
Hagnýtar upplýsingar
Staðsetning: Lífsgæðasetur St. Jó, Suðurgötu 41 í Hafnarfirði.
Nemendur þurfa að senda inn ferilskrá og kynningarbréf ásamt staðfestingu af Uglu um að hafa lokið tilskyldum einingum (90 ECTS í grunnnámi og 30 ECTS í meistaranámi) með að lágmarki 7,25 í meðaleinkunn.
Nemendur geta sótt um fleiri en eina stöðu en skila þarf sér kynningarbréfi fyrir hverja umsókn.