Ert þú upprennandi endurskoðandi?
PwC í samstarfi við Viðskiptafræðideild HÍ býður nemendum tækifæri til þess að kynnast starfsemi félagsins í gegnum starfsþjálfun á endurskoðunarsviði PwC.
Í starfsþjálfun öðlast nemar haldbæra reynslu og fá innsýn inn í störf endurskoðenda. Unnið er undir handleiðslu reyndra sérfræðinga og fá nemendur tækifæri til að vinna að raunverulegum verkefnum á sviði endurskoðunar og reikningsskila. Um leið og unnið er undir umsjón endurskoðenda eru nemendur í starfsþjálfun hvattir til virks samstarfs og frumkvæðis við verkefnavinnu.
Nemendur þurfa að senda inn ferilskrá og kynningarbréf ásamt staðfestingu af Uglu um að hafa lokið tilskyldum einingum (90 ECTS í grunnnámi og 30 ECTS í meistaranámi) með að lágmarki 7,25 í meðaleinkunn.
Nemendur geta sótt um fleiri en eina stöðu en skila þarf sér kynningarbréfi fyrir hverja umsókn.
Nemendur skulu senda hverja umsókn í sér tölvupósti á vidskipti@hi.is